اهربي
لو قدرتي
من بين سطوري
وخططي ليكي
سطر تاني
وزن تاني
اعزفي م الاغاني
لحن الفراق
علميني ازاي بنبعد
مهما كان الاشتياق
........
اهربي
وهربيني
من سجن خوفك
واكسري
من بين ايديكي
قضبان ظروفك
خلي روحي ساكنه فيكي
علميني ازاي اشوفك
واثبت مكاني
مجريش عليكي
..........
اهربي
لو قدرتي
وهربي
كل اللي فات
من بين خيالك
اوعى يجي
ف يوم ف بالك
ان كان فيه ذكرى بنا
احنا كنا يوم وعابر
ف تاريخ ماشي
غصب عنا
ملهوش مسمى
حب ولا
حاجة تانيه
هي هي
ضاعت ف ثانيه
.........
اهربي
من بين سطوري..
تعليق:
الهروب هو أسهل الاختيارات دائما....
لكنه أصعب تنفيذا.....
المراجع
diwanalarab.com
التصانيف
شعر ملاحم شعرية