معبد كوم أمبو
هو واحد من أهم وأجمل المعابد الموجودة في مصر، وتميّز تصميمه وبالذات جدرانه بالزخرفة الرهيبة وجمال الألوان خلوه تحفة أثرية باقية لأكتر من 2000 سنة، بعد بناه في العصر الروماني في زمن بطليموس السادس سنة 180 قبل الميلاد، معبد كوم امبو يعتبر من المزارات الرئيسية في أسوان
يعتبر معبد كوم امبو هو الوحيد في الحضارة المصرية اللي تم بناؤه لعبادة إلهين بالتساوي، بعكس باقي المعابد اللي اتبنت لعبادة إله واحد، المعبد تم تكريسه لعبادة الإله "سوبك" في الجزء الجنوبي والإله "حورس" في الجزء الشمالي، المميز جدًا في معبد كوم امبو هو جدرانه بنقوشها المختلفة والملونة بشكل رائع، ده غير الأسقف المزينة بمناظر الآلهه ومناظر فلكية غير مكتملة ومؤرخة لعصر الملك بطليموس الثاني عشر..
سبب التسمية
كوم امبو متالفة من جزأين، الأول هو كلمة "كوم" ومعناها تل، أما الجزء التاني وهو "امبو" فهو متحرف من كلمة "انبو" ومعناه الدهب، وده عشان كانت المنطقة دي بتتحكم في الطرق المؤدية لمناجم الدهب واتعرفت في النصوص المصرية القديمة بإسم "با-سوبك" أي مقر سوبك وده إله من عصر ما قبل الأسرات..
الموقع
المعبد يقع في مدينة كوم امبو موجود في محافظة أسوان، على بعد 46 كم شمال مدينة أسوان و135 كم جنوب الأقصر، وتقدر توصل كوم امبو عن طريق القطر أو ميني باص من أسوان وبتاخد وقت حوالي ساعة..
المراجع
blog.travil.io
التصانيف
مواقع إغريقية في مصر مدن مصر القديمة مواقع رومانية في مصر معابد مصرية الجغرافيا