قصيدة ( الحقيقة ) هذه قصيدة من قصائد الشاعر معوض بن سودان المطيري الملقب بـ ( مومي الليل) أهداها لقراء صحيفة الحريق وهي بعنوان ( الحقيقة ) بديت باللي شيد الكون تشيد ابدع في خلقه ثم سن العقيده من بعد هذا يا خلف عيدك سعيد ياالله لعل ايام عمرك سعيده انته ومن كثر علي التناشيد ارسل لك المعذا روأقره وعيده والله ما نقص في الحقيقه ولا أزيد وقع المعاني واضحاة وأكيده ودي بشوفتكم وليه بهاميد لكن جرحي ماتوقف صديده كل شرا لبسه يبافرحة العيد مع الاقارب بالثياب الجديده هل الهلال وقنفت بالزغاريد اللي لشوف ديارها مستعيده وأستركبوها صاملين الأواليد كل يقول الله علينا يعيده العيد يجمع كل ذخر الأجاويد هذا ولد عم والآخر حفيده وانا ليا جا العيد جتني لواهيد في وسط قلبي صاليات الوقيده ماهي بكرمرت عليه تراديد عنها نيام أهل القلوب البليده ما ودي أشكي خايف من المناقيد الرجل بنك ما يغلق رصيده ولا ودي أترك فرصة للحساسيد اللي ليا سمعت كلا من تزيده وأحترت بين أصدورها والمواريد من كل جانب صوب نفس عنيده وسجع الحمام ملحنه بالتغاريد حرك هجوس ساكنه بتغريده عجل يبا المرواح بينه مواعيد تحت جناج الليل والكل هيده وخايف من اللي يدركون البواريد واللامن الشيهان بأول هديده كنه يقول ليا زعلت أظرب البيد ورزقك على ربن تكفل عبيده أنكان ما حولك عيال صناديد أكضم على غيضك وكب أتعديده وأصبر على الشدات خلك بلاهيد تكسب مناعه لليال الشديده دنيا تقلب خاينه ملعنة سيد لو انها قفت تجيلك معيده يا نيم شف قدام عينك شواهيد أبصر بعينك وأفعل اللي تريده اللي لهم بالطيب منهج وتمجيد ماتو ولاحد قال والله فقيده راح النظر والوجه يم الهرابيد صارو خيارالقوم وهمه فسيده مابغاك يا دار بك الظلم والكيد يقوله اللي ذاق ظلمه وكيده ظلم الطغاه الحاقدين النماريد سود النوايا والنفوس المريده تكاتفو بالظلم والهم مقاصيد ولاألناس من ظلم البري مستفيده قولن لجدي قبل لا يرزق أوليد انشهد أنه صار بيت القصيده ما يذبح الرجال ضد من بعيد الموت وان جت ضدته من سنيده أزمي على وظح النقى بالجراهيد ماني ضعيف قاصر الضد قيده من لا بغاني ما بغيته ولا أريد شوفه ومن عادان ماني وديده ما والله ارضا في جلوس على حيد يرضابه اللي ما علومه سديده هرجه كثير ولا هو مضوي فيد وليا لقا شانيك ياخذ بديده أهانة يفرح بها كل رعديد ظحكت عدوه لو بكت عضيده عمد يحفونه قروم سواعيد لان أتصقركن جابان صيده والهرج في المجلس مسار على السيد به أيتعاقب من مشا غار سيده للخبل مزح ولأشقر الريش تهديد هروج مجلس والنوايا بعيده والحر عنده للحسابات تسديد هرجه وقار وكل جمله مفيده ياالله يا مخرج حليب من الديد يا راهنن موت الفتى في وريده عندك حقايق قصة لي سواميد لي ألشرف فيها وهي الفريده شاهد علي ولي ومسجله قيد أطلب جزاها منك ميته شهيده
